IC3 VS ICDL

عمرك سألت نفسك ايه الفرق بين ال #ICDL و بين ال #IC3 ؟؟؟
بص بقي بسرعه كده هنعرف مع بعض الفرق بين الاثنين 😉
-اولا #الاختصارات بتاعتهم …
IC3 يعني Internet and Computing Core Certification
اما ال ICDL international Computer driving License ….
ثانيا #جهة_الاعتماد ……
اللي بيعتمد ال ICDL هو منظمه اليونسكو
اما اللي بيعتمد ال IC3 هو ال سيرتيبورت Certiport
– ثالثا #وصف كل واحد فيهم …..
ال ICDL هي شهادة دولية بتشهد لحاملها أن عنده المعلومات والمهارات الضرورية في مجال تكنولوجيا المعلومات وأنه قادر انه يستخدم جهاز الكومبيوتر وتطبيقاته العامة بمهارة عاليه تتتطابق مع المواصفات القياسية للشهادة دي 😀
-اما ال IC3 هي عباره عن منهج وبرنامج من شركة سرتيبورت Certiport العالمية عشان تقيس معرفة المستخدم بأساسيات الحاسب والانترنت.و بيوفر الـ IC3 توجيهات محددة للمعرفة والمهارات الضرورية عشان يكون الواحد ملمّاً بأساسيات الحاسب وبرمجياته والشبكات والانترنت. وبكدة بيوفرال IC3 مقياسا عالميا يعتمد عليه للمهارات الأساسية في الحاسب والانترنت. 😀
طيب عرفنا الاختصارات وشرح معني كل اسم نكمل بقي 😉 ..
#المواد انت مفروض تاخد مجموعه حاجات كدة جوه كل كورس تعالي نعرف هتاخد ايه ؟
– جوه ال IC3 مفروض تاخد It – Windows – Word – Excel – Access – PowerPoint – Internet – Email .
و جوه ال ICDL هتاخد برضو يا سيدي It – Windows – Word – Excel – Access – PowerPoint – Internet – Email .
– عدد #الامتحانات اللي مفروض تمتحنها في ال IC3 هما 3 أمتحانات وهما :
Computing fundamentals – Key Applications – Living Online
اما في ال ICDL هتمتحن 7 أمتحانات وهما
It – Windows – Word – Excel – Access – PowerPoint – Internet – Email
– نيجي بقي ل #زمن_الامتحان و #عدد_الاسئله في كل واحد فيهم
في ال IC3 هتمتحن 3 امتحانات كل امتحان عباره عن 45 سؤال بتجاوب عنهم في 50 دقيقه بس 3:)
– اما بقي ال ICDL هتمتحن 7 امتحانات وكل امتحان عباره عن 36 سؤال بتجاوب عنهم في 45 دقيقه بس 3:)

– واخيرا بقي درجه نجاح ال IC3 مابين 62 % ال 65 %
اما ال ICDL من 75 % وما فوق 3:)

وبكده بقي تكون عرفت الفرق بين ال IC3 وما بين ال ICDL عشان بعدين متبقاش حافظ مش فاهم ..العلم نور بردوا 😉 😀
تابعونا كل #اربعاء مع سلسلة #يلا_نعرف
#ايجي_تراست
#استثمر_في_نفسك

اترك رد