Amadeus – Galileo – Sabre – World Span

تسمع عن حاجه اسمها انظمة الحجز الالكتروني قبل كده !!
حتى لو مسمعتش قبل كده .. هتسمع قريب جداً عن وظايف مسؤل حجز تذاكر الطيران في اكبر شركات الطيران والسياحة والفنادق العالمية .
بص بقي لو لسه متعرفش ومسمعتش عنه قبل كده ركز معايا عشان دلوقتى قدامك فرصة تتعلم وتعرف الفرق بين كل واحد و تخلق لنفسك فرصة شغل جديدة
________________________________________
# الاماديوس Amadeus
خلينا نتكلم الاول عن اية هو ال Amadeus ؟
Amadeus ده نظام بيستخدموه فى حجز و بيع تذاكر الطيران بجانب خدمات التجارة الإلكترونية لقطاع السياحة و حجز الفنادق وتأجير السيارات والرحلات البحرية و وكلاء التأمين
بتستخدمة اكتر من 1200 شركة سياحة فى مصر .. بالاضافه 13 شركة طيران عربية، بما في ذلك شركة مصر للطيران
يعتبر دلوقتي هو البرنامج الاسرع والاكثر انتشارا والرائد عالميا بمجال الحجز والتوزيع الالكترونى . المقر الرئيسى له موجود فى مدريد باسبانيا وفي كمان قاعدة بيانات خاصة ببرنامج الاماديوس فى المانيا .و القسم الخاص بالتطوير والقسم التقنى موجودين في فرنسا
كود برنامج الاماديوس هو 1A و البرنامج ده اتعمل فى سنة 1987
بعد ما اتفق أكترمن خط طيران مع بعض علي استخدام النظام دة و الخطوط دي هي
الخطوط الجوية الالمانية (Lufthansa) والخطوط الجوية الفرنسية(Air France) والخطوط الجوية الأسبانية (Iberia Airlines) والخطوط الجوية الاسكندنافية (Scandinavian Airlines) .
————————–————————–————————–———
# جاليلو Galileo
نظام الحجز جاليليو اتعمل سنة 1971 لما قامت شركة يونايتدايرلاينز بإنشاء أول نظام الكتروني للحجز تحت اسم أبولو. خلال 1980 و1990 وفي اسرع وقت،اتباعت نسبة كبيرة من تذاكر الطيران عن طريق وكلاء السفر. اتحالفت مجموعة من الشركات التابعة لمنظمة الطيران العربي في سنة 1992 عشان تعمل نظام تقوم اعضاء شركات الطيران بتشغيله لوكالات السياحة والسفر كل واحده فيهم في بلدها والخطوط دي هي الخطوط السعودية، الكويتية، الإماراتية، اللبنانية، السورية، اليمنية، المصرية والأردنية ودرست عروض نظم الحجز اللي موجوده عشان تكون بتمثلها في سوق الشرق الأوسط و لقيت أن أفضل الانظمة تطورا وأكثرها تكنولوجيا هو نظام جاليليو كونه يتعامل مع:
550 شركة طيران ،45 ألف فندق ، 55 ألف وكيل سياحي ، 12 ألف موقع تأجير سيارات
————————–————————–————————–———–
# سيبر (Sabre) و#ورلد سبان (World span)
دول نظامين تانين بس مش مشهورين كتير داخل شركات الحجز
# كده ملكش_حجة .. اديك عرفت كل حاجه عن انظمة الحجز الالكتروني وتقدر تدور بسرعه علي اي مكان يكون بيدربك علي اي نظام فيهم علشان تخلق لنفسك فرصه شغل جديده ومتتحججش ان البلد مفيهاش شغل و ان الفرص قليله وتقعد تندب حظك .
اما فى حالة انك قررت تأنتخ و تقضيها فرجة على مسلسلات .. و الافلام الهندي .. والعشق الممنوع ….وتستني لحد ما الوظيفة تجيلك لحد عندك ..ف صدقنى هتستني كتير و هيفوتك أكتر

 

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.