كن مدرب ناجح

#كن_مدرب_ناجح
لو نفسك تكون #مدرب شاطر ومتميز وتعرف ازاي تحضر و تقدم #مادة_علمية فيه شويه مهارات وادوات لازم تحضرها في شنطتك قبل ما تبدأ #الرحلة_التدربية تعالي نعرفها مع بعض
اولا : لازم تعرف ان التدريب ده عباره عن رحله بتاخد فيها #المتدربين لعالم هو ميعرفهوش وانت فيها عامل زي #ربان_السفينه ، الرحله دي لازم تكون ناجحه مليانه بالمتعه والاستفاده علشان كده لازم يكون عندك حاجتين
1 – تعرف تحلل كويس الاحتياج التدريبي عند المتدريبين فالمدرب الشاطر والفعال عنده القدره انه يقيس احتياج المتدربيين وكمان يحلل الجمهور
2- يقدر يحضر حقيبه تدريبيه قيمة تكون بتضيف جديد للمتدرب .
——————————————————————————
ثانيا : كمدرب وانت بتقود #الرحلة_التدريبية لازم تتعلم ازاي تظهر محتوايات حقيبتك التدريبيه بشكل ناجح و فعال ، وده عن طريق انك تتعلم تجهز ادوات العرض و تطور من عرضك بشكل مؤثر وجذاب وهنا بنأكد اهميه مهارتك في استخدام ادوات التدريب الفعال
——————————————————————————
ثالثا : مهم جدا وانت مدرب تكون #واثق من نفسك ولو مقدرتش توصل ده للمتدربين مش حتقدر تقدم #اداء_متميز وبما اننا قولنا ان المدرب هو #ربان_السفينه فلازم تتعلم انك تطور من نفسك و تعلي ثقتك بنفسك و تبقي قادر تواجه الجمهور بدون خوف من الاخر تبقي قادر “تاكل الجو ”
لو تعبت من القرايه خلاص سفينتنا قربت توصل
——————————————————————————
رابعا : في النقطه دي لازم تاخد بالك كمدرب انه وانت بتقود الرحله التدريبيه تركز انك عارف ازاي تقدم الانشطه التدريبيه ؟ ازاي تعلق علي النقط الرئيسيه ؟ ازاي تشرح وتوصل معلومه للمتدربين ؟ ازاي تتأكد ان المعلومه وصلتلهم ؟
لازم تعرف ان المدرب الناجح هو اللي يقدر يأسر المتدربين من بدايه الرحله لحد البر.. #نهاية_التدريب
——————————————————————————
خامسا : #الصوت…الصوت اداه مهمه عند اي مدرب فعال وناجح ..لو هتدوس و تمشي في سكة “مدرب ” ، لازم تكون بتعرف تستخدم صوتك كويس .. امتي يكون صوتك عالي ؟ امتي يكون هادي ؟ ازاي تكون مخارج الفاظك واضحه مش زي” مس ميرفت في (فيلم عسل اسود ) تروح تقول “شاكت” لازم صوتك يكون مؤثر وجذاب لكل اللي بيسمعه وعلي فكره دي مش موهبه دي مهارة ينفع تتعلمها و تتطورها
ادينا ياعم وصلنا للبر
——————————————————————————
سادسا : لازم تتعلم مهارة ازاي تهئ المتدربين ان تدريبك قرب يخلص مش فاجأة تروح قافش عليهم وتنهي التدريب و تجري ، كده مش شغل محترفين
حد يقولي : طب اعمل ايه ؟ حلو السؤال ده
بص بقي في الربع الاخير من التدريب لازم تخصص وقت تستقبل فيه اسئلة المتدربين وتعرف احتياجاتهم التدريبيه اللي لسه مشبعتهاش
تقدرتجاوب علي الاسئله اللي بتكون خارج الموضوع بشكل محترف وميضيعش الوقت وفي نفس الوقت متقفش علي صاحب السؤال
تقدر تتعامل مع المتدربين المشاغبين بحذر بدون ما يضربوا كرسي في الكلوب و يبوظولك التدريب
بكل بساطه واحترافيه تنهي التدريب بشكل ناجح وفعال وكمان ترضي كل المتدربين وبعد كل الرحله دي توصلهم للمكان الصح اللي انت كنت بتخططله من اول رحله التدريب
كل دة لازم تتعلمه علشان تبقي مدرب ناجح ..مؤثر …وفعال
#ربان_سفينة ناجح يقدر يقود سفينته نحو شاطئ الأمان والسلامة، ويجنبها الأخطار والأضرار، ولو أهمل فى مسؤوليته كان الغرق هو المصير المحتوم للسفينة
تابعونا كل #اربعاء مع سلسلة #يلا_نعرف
#ايجي_تراست
#استثمر_في_نفسك

اترك رد